നിന്റെ മുറിപ്പാടിന്‍ വേദന ഇപ്പൊഴീ,
രാത്രിയെ പോലും വ്യഥയിലാഴ്ത്തീടുമ്പോള്‍..
ഇരുളിന്റെ ഗാഢത കൂട്ടിയീ രാത്രിയും,
നിന്റെ ദു:ഖത്തില്‍ പങ്കു ചേര്‍ന്നീടുന്നു…

ശര ഭൂഷിണിയായ് മരണത്തിന്‍ ശയ്യയില്‍,
കണ്ണീരു പോലും വരണ്ടു കിടക്കുമ്പോള്‍,
വിളറിയൊരാകാശം മേഘങ്ങളില്‍ വറ്റും
തണ്ണീര്‍ നിനക്കായി പെയ്യാന്‍ ശ്രമിക്കുന്നു.

ഇടി മുഴക്കത്തിന്റെ രൂപത്തിലുച്ചത്തില്‍
അലറി കരയുന്നു മേഘങ്ങള്‍ പോലുമേ…
തീരത്തു നില്ക്കും മരങ്ങളില്‍ പൂക്കാലം
വര്‍ണങ്ങള്‍ പെയ്തതും, നിര്‍ജ്ജീവമാകുന്നു..

മുറ്റി നിന്നീടുന്ന തേനിന്‍ കണങ്ങളായ്,
സസ്യ ജാലങ്ങള്‍ നിനക്കായ് കരയുമ്പോള്‍…
എങ്ങിനെ ഞാന്‍ നിന്നെ ആശ്വസിപ്പിചീടും?
എങ്ങിനെ ഞാന്‍ നിന്റെ കണ്ണീര്‍ തുടച്ചിടും?

മൌനമായ് ഞാനുള്ളില്‍ പ്രാര്‍ത്ഥിച്ചിടുന്നു നിന്‍,
നിത്യ ശാന്തിക്കായ് മരണത്തിനും മുന്‍പെ..
ഒരു തുള്ളി വെള്ളം നിന്‍ നാവിലൊറ്റിച്ചിടാന്‍,
എവിറ്റുന്നു ഞാനെന്റെ കൈകള്‍ നനച്ചിടും?

കാണുവാന്‍ പൊലും കിടക്കാത്ത കറുകയാല്‍,
നിനക്കായി എങ്ങിനെ ബലിച്ചോറു നല്കീടും?
മുക്തിക്കു വേണ്ടി ഞാന്‍ നിന്റെ ചിതഭസ്മം
മറ്റേതു നിളയില്‍ നിമഞ്ജനം ചെയ്തിടും?

ഇന്നു നിന്നുള്ളിലവശേഷിക്കുമിത്തിരി
വെള്ളം നിന്‍ കണ്ണീരോ, ഒഴുകുന്ന രക്തമോ?
മാറു പിളര്‍ന്നൊരീ നിന്റെ പുത്രന്മാര്‍ തന്നെ,
ചെയ്യുന്ന പേക്കൂത്തിന്‍ ദൃഷ്ടാന്ത ചിത്രമോ?

നീ ഒഴുകാറുള്ള പാതകള്‍ കോണ്‍ക്രീറ്റിന്‍,
ഭെദ്യമല്ലാതുള്ള വിപിനമായ് മാറുമ്പോള്‍?
നാളെയീ വാനം നിനക്കായിയെത്രയും
പേമാരി പെയ്യിച്ചു നില്ക്കുവില്‍ കൂടിയും..

നിന്റെ അകലമാം ചരമം കുറിച്ചൊരീ
മാനവര്‍ നിന്നെ തടഞ്ഞു നിര്‍ത്തീടുകില്‍..
തീരം തഴുകുന്ന കുഞ്ഞോളമായി നീ
എങ്ങിനെ വീണ്ടും ഒഴുകി നടന്നിടും?

അറിയാമെനിക്കു നീ ഉള്ളിലുറപ്പിച്ചാല്‍,
തടയുന്ന ശക്തികള്‍ കുത്തിയൊലിച്ചിടും..
എന്നിട്ടുമെന്തെ നീ സംഹാര രൂപിയായ്,
നിന്റെയതിരുകള്‍ വീണ്ടെടുക്കാത്തതും?

നിന്റെ രക്തത്തില്‍ ആറാടി നില്ക്കുമീ
മക്കളെ എന്തിനിനിയും സ്‌നേഹിക്കണം??
അമ്മയെ കൊല്ലാനായ് കത്തിയൊങ്ങുന്നവര്‍
നിന്റെ വാല്‍സല്ല്യത്തെ എങ്ങിനറിഞ്ഞിടും?

ഒഴുകു നീ എല്ലാം മറന്നൊന്നു കൂടി..
ഒഴുകു നീ ഉള്ളം നിറഞ്ഞൊന്നു കൂടി..
വഴി മുടക്കീടുന്നതെല്ലാം കടലിന്റെ
വഴിയെ പായിച്ചിട്ടു ഒഴുകു നീ വീണ്ടുമേ…
Posted in കവിതകള്‍ ]]> http://anjupk.wordpress.com/2008/11/24/%e0%b4%a8%e0%b4%bf%e0%b4%b3%e0%b5%87/feed/ 5 Anju http://anjupk.wordpress.com/2008/11/24/%e0%b4%87%e0%b4%a4%e0%b5%8b-%e0%b4%aa%e0%b5%8d%e0%b4%b0%e0%b4%a3%e0%b4%af%e0%b4%82/ http://anjupk.wordpress.com/2008/11/24/%e0%b4%87%e0%b4%a4%e0%b5%8b-%e0%b4%aa%e0%b5%8d%e0%b4%b0%e0%b4%a3%e0%b4%af%e0%b4%82/#comments Mon, 24 Nov 2008 05:42:18 +0000 Anju Pulakkat http://anjupk.wordpress.com/?p=136 ]]> ഒരു കൊച്ചു കാറ്റിന്റെ തള്ളലില്‍ പോലും ഞാന്‍,
കുളിരണിഞ്ഞുലയുന്നതെന്തിനാവാം…
ആയിരം മാരിവില്‍ കണ്ടിട്ടും നിറയാതെ,
കണ്ണുകള്‍ തിരയുന്നതാരെയാവാം…
രാത്രിയില്‍  കനവുകള്‍ കാണാതെ എന്തിനാം
ഉണരുവാന്‍ വെമ്പി  കിടക്കുന്നതും..
കുടയെടുക്കാതെന്തിനീ, മഴ പെയ്യും നേരത്ത്,
വഴിയില്‍ ഞാനാരെയോ കാക്കുന്നതും…
തനിയെ നടക്കുമ്പോള്‍ വിരലുകള്‍ പതിയേതോ,
സ്പര്‍ശനം നേടാന്‍ കൊതിക്കുന്നതും ..
എത്ര കണ്ടിട്ടും മതി വരാതെന്തിനാം
നിന്‍ ചിത്രം നോക്കിയിരിക്കുന്നതും..
പറയുവാനൊത്തിരി മനസ്സില്‍ കരുതിയും,
വാക്കുകള്‍ ചുണ്ടിലായ് തങ്ങുന്നതും
നിന്റെ മിഴികള്‍ തന്‍ ആഴങ്ങളിലെങ്ങോ,
ആണ്ടു ഞാന്‍ പോവുന്ന പോലാവുന്നതും
അറിയില്ലിതാണോ പ്രണയത്തിന്‍ ഭാവങ്ങള്‍
അറിയുന്നുവെങ്കില്‍ ഞാന്‍ അറിയാതെ എങ്ങാണ്ടോ..
Posted in കവിതകള്‍ ]]> http://anjupk.wordpress.com/2008/11/24/%e0%b4%87%e0%b4%a4%e0%b5%8b-%e0%b4%aa%e0%b5%8d%e0%b4%b0%e0%b4%a3%e0%b4%af%e0%b4%82/feed/ 13 Anju http://anjupk.wordpress.com/2008/10/22/%e0%b4%b8%e0%b5%80%e0%b4%a4/ http://anjupk.wordpress.com/2008/10/22/%e0%b4%b8%e0%b5%80%e0%b4%a4/#comments Wed, 22 Oct 2008 08:14:25 +0000 Anju Pulakkat http://anjupk.wordpress.com/?p=133 ]]> ഇനിയുമെങ്ങിനെ കഴിയുമീ രാമന്
മാപ്പ് നല്കുവാന്‍ നിനക്കു മൈഥിലീ…

ഉത്തമനാണു നിന്‍ രാമനെന്നു ജനം
വിധിച്ചിടുന്നു, ഈ യുഗത്തിലും..

പുഷ്പവീഥികള്‍ മാത്രം കണ്ട നീ
വിപിന പാതയില്‍ കാലിടറിയോ?

പരീക്ഷിച്ചവന്‍ നിന്റെ പാതിവ്രത്യവും
സംശയിച്ചില്ലെ ഒന്നിലേറെയും

തുടിച്ചിടുന്ന രണ്ടു ജീവനും പേറി
കയറി അന്നൊരു കാട്ടിലേക്കു നീ..

ഒരിക്കല്‍ പോലും നീ പരിഭവിച്ചില്ല?..
തിരിച്ചു ചോദ്യങ്ങള്‍ ചോദിച്ചുമില്ല..

പത്തു പേര്‍ ചൊല്ലില്‍, ഉപേക്ഷിക്കുവാനായോ?
മറുത്തു നീ എന്തേ ഒന്നും പറഞ്ഞില്ല?

സ്‌നേഹം ആഗ്രഹിച്ചീടുന്ന നേരത്ത്,
രാമന്‍ നിന്നെ തനിച്ചു വിട്ടതും..

ഇനിയുമെങ്ങിനെ കഴിയുമീ രാമന്
മാപ്പ് നല്കുവാന്‍ നിനക്കു മൈഥിലീ…?

എന്തു ഞങ്ങളീ പുതിയ തലമുറ
പഠിക്കണം നിന്റെ ജീവിതത്തില്‍ നിന്നും

ജീവിതം വെറും സഹനം മാത്രമോ?
നിഴലു മാത്രമോ ഭാര്യയെന്നവള്‍?

അവള്‍ക്കു ചോദ്യങ്ങള്‍ ഒന്നുമേ ഇല്ലെ?
അവന്റെ ലോകമോ അവള്‍ക്കു പിന്നീട്..

ആഗ്രഹങ്ങളും  തന്റെ ലോകവും
മറന്നു വേണമോ ഭാര്യയായിടാന്‍…

പറഞ്ഞു നല്കണം നിങ്ങള്‍ പൂര്‍വ്വികര്‍
മാതൃകജനമെന്നു ഞങ്ങള്‍ കേട്ടവര്‍..